Views
အားလုံး သိနေကြတဲ့အတိုင်းပဲ အောက်တိုဘာ ၄ ရက် နဲ့ ၅ ရက်မှာ အင်ဒိုနီးရှားနိုင်ငံ၊ ဂျကာတာမြို့ တော်အတွင်း " မြန်မာ့အရေးဆိုင်ရာ အထူးကိုယ်စားလှယ်များ ပူးတွဲညှိနှိုင်းမှု အစည်းအဝေး " လို့ ခေါင်းစဉ်တပ်ထားတဲ့ အစည်းအဝေးကို ကျင်းပဖို့ ရှိနေပါတယ်။
-
ဒီအစည်းအဝေးကို မြန်မာပြည်တွင်းမှာ CDM မလုပ်တဲ့ Non-CDM ဆရာ၊ ဆရာမ၊ အခြားအစိုးရဝန်ထမ်း တွေ၊ ဘုန်းတော်ကြီးတွေ၊ သီလရှင်တွေကို t+h+e+tဖြတ်တာ၊ ရထားလမ်း ကားလမ်း၊ တံတား၊ နေအိမ်အ ဆောက်အအုံတွေကို မိုင်းခွဲဖျက်ဆီးနေတဲ့ ရာဇဝတ်မှုအစုစုကို ကျူးလွန်နေသူ PDF အကြမ်းဖက်ရဲ့ ခေါင်းကိုင် NUG ကိုယ်စားလှယ်အဖွဲ့၊ ကချင်၊ ကယား၊ ကရင်၊ ချင်းအစုအဖွဲ့တွေပါတဲ့ K3C လို့ ခေါ်နေကြတဲ့ သူပုန်အဖွဲ့တွေကို ဖိတ်ထားတယ်လို့ သတင်းထွက်နေပါတယ်။
-
ဒါ့အပြင် အိမ်ရှင်အင်ဒိုနီးရှား၊ အာဆီယံအဖွဲ့၊ ကုလသမဂ္ဂ၊ ဥရောပသမဂ္ဂ၊ မလေးရှား၊ ထိုင်းနိုင်ငံနဲ့ ဂျပန်နိုင်ငံတို့ရဲ့ မြန်မာ့အရေးဆိုင်ရာ အထူးကိုယ်စားလှယ်တွေလည်း ပါတယ်လို့ ဆိုပါတယ်။
-
ဆိုတော့ ဒီကိစ္စက မေးခွန်းထုတ်စရာ ဖြစ်လာတာပါ။ ဘယ်လိုကြောင့် မေးခွန်းထုတ်ရမလဲဆိုတော့ အဲဒီ အစည်းအဝေးကို ရုရှား၊ တရုတ်နိုင်ငံနဲ့ မြန်မာနိုင်ငံရေးရာ အထူးကိုယ်စားလှယ်တွေကို မဖိတ်ကြား ထားတာကြောင့် ဖြစ်ပါတယ်။ ဒီလိုလုပ်ဆောင်တာဟာ အနောက်အုပ်စုရဲ့ ကြိုးကိုင်ထိန်းချုပ်ထားတဲ့ အစည်းအဝေးဖြစ်တာကြောင့်လား?
-
ပြည်တွင်းမှာ ဒီအရေးကိစ္စနဲ့ပတ်သက်လို့ နစကရဲ့ နိုင်ငံခြားရေးဝန်ကြီးဌာနအနေနဲ့ ကန့်ကွက် သင့်တယ်လို့လည်း ပြောဆိုနေကြပါပြီ။
-
၂၀၂ဝ ပြည့်နှစ် ရွေးကောက်ပွဲမှာ မဲမသာမှုတွေကို လုပ်တဲ့အတွက် အကြိမ်ကြိမ်ဖြေရှင်းပေးဖို့ ကမ်း လှမ်းချက်ကို လက်မခံဘဲ မသိကျိုးနွံပြုခဲ့တဲ့ NLD အစိုးရရဲ့ မာန်မာနကြောင့် ၂၀၂၁ ခုနှစ်မှာ အာဏာထိန်းပြီး နစက ကို ဖွဲ့စည်းခဲ့တာ ဖြစ်ပါတယ်။
-
အဲဒီအချိန်ကနေ လက်ရှိအချိန်ထိ အချိန်ကာလ ၃ နှစ် ကျော်ကြာတဲ့အထိ ဖြစ်ပွားနေတဲ့ မြန်မာပြည်တွင်း ရေးကို အပစ်အခတ်ရပ်စဲရေးလိုလားတဲ့ တိုင်းရင်းသားလက်နက်ကိုင်တွေနဲ့ ငြိမ်းချမ်းရေးလိုလားသူတွေဟာ ငြိမ်းချမ်းရေးရဖို့ ကြိုးပမ်းနေကြတဲ့အချိန်မှာ အင်ဒိုနီးရှားက ကျင်းပဖို့လုပ်နေတယ်ဆိုတဲ့ မြန်မာ့အရေးဆိုင်ရာ အထူးကိုယ်စားလှယ်တွေရဲ့ အစည်းအဝေးက မြန်မာနိုင်ငံအတွင်း အကြမ်းဖက် လုပ်ရပ်တွေနဲ့ အမျိုးဘာသာအပေါ် အရိုအသေတန်စေနိုင်မယ့် အဖျက်လုပ်ငန်းတွေကို တွန်းအားပေးတဲ့ ရည်ရွယ်ချက်မျိုးရှိနေနိုင်တာကြောင့် ငြိမ်းချမ်းရေးလိုလားတဲ့ မြန်မာနိုင်ငံသားတွေအနေနဲ့ ဂရုစိုက်ဖို့ လိုအပ်နေကြပါပြီလို့ ဆိုချင်ပါတယ်။
-
နစကဟာ ဖွဲ့စည်ပုံအခြေခံဥပဒေရဲ့ မူဝါဒတွေနဲ့ တာဝန်ထမ်းဆောင်နေတဲ့ လက်ရှိ မြန်မာနိုင်ငံရဲ့ တရားဝင် အစိုးရလည်းဖြစ်ပါတယ်။ ဒီအပေါ်မှာ တရားဝင်အစိုးရကို ချန်လှပ်ခဲ့တယ်ဆိုတာက အကြမ်းဖက် အားပေးတာ ဖြစ်တယ်လို့ တိတိပပ ပြောလိုပါတယ်။
-
လက်ရှိပြည်တွင်းမှာ ဖြစ်နေတဲ့ ပဋိပက္ခတွေဟာ မြန်မာနိုင်ငံရဲ့ပြည်တွင်းရေးတစ်ခုပဲ ဖြစ်တယ်။ ဒါကို ဝင်ရောက်စွက်ဖက်ခွင့် မရှိပါဘူး။ အခုလို မြန်မာနိုင်ငံရဲ့အရေးကို နိုင်ငံတကာအရေးပုံစံ သဏ္ဍန်ဖော်ဆောင် နေတာတွေက ဒေသတွင်းမှာ ပိုပြီးတင်းမာလာအောင် မီးလောင်ရာ လေပင့်လုပ်နေကြတာလားလို့ မေးခွန်း ထုတ်ရမှာ ဖြစ်ပါတယ်။
-
နောက်ထပ် ပြောရမယ့် အကြောင်းအရာက အမေရိကန်ပြည်ထောင်စု ဦးဆောင်တဲ့အနောက်အုပ်စုနိုင်ငံတွေ ဟာ သူတို့ရဲ့ ဒေသဆိုင်ရာမဟာမိတ်နိုင်ငံတွေ တိုးလာနိုင်ဖို့အတွက် မြန်မာ့အရေးကို ခုတုံးလုပ်အသုံး ချနေကြ တယ်ဆိုတာပါပဲ။
-
ဒါကြောင့် မြန်မာ့ပြည်တွင်းရေး၊ မြန်မာနဲ့အိမ်နီးချင်းနိုင်ငံတွေကြား ဆက်ဆံရေးတွေကို မတည်မငြိမ် ဖြစ်စေဖို့ ပစ်မှတ်ထားနေတဲ့ အမေရိကန်နဲ့ အနောက်အုပ်စုကြောင့် မြန်မာနိုင်ငံရဲ့တရားဝင်နစက အစိုးရအဖွဲ့ဝင်တွေ၊ ရုရှားနဲ့တရုတ် မပါဝင်တဲ့ ဒီ “ မြန်မာ့အရေးဆိုင်ရာ အထူးကိုယ်စားလှယ်များ ပူးတွဲညှိနှိုင်းရေး အစည်းအဝေး” ဟာ ပြည်တွင်းတည်ငြိမ်ရေးကို ဆိုးရွားထိခိုက်စေဖို့ အလားအလာ ရှိနေတယ်တာကြောင့် ကန့်ကွက်ရမယ့် ကိစ္စဖြစ် နေပါတယ်။
-
အခုဆိုရင် မြန်မာနိုင်ငံအတွင်း ပြန်လည်တည်ငြိမ်လာနိုင်စေမယ့် အခြေအနေအလားအလာတွေ၊ ပြန်လည် ငြိမ်းချမ်း ဖွံ့ဖြိုးတိုးတက်လာစေမည့် အခြေအနေအလားအလာတွေ ရှိစေဖို့ NCA လက်မှတ်ရေးထိုးထားတဲ့ EAO အဖွဲ့တွေနဲ့ နစက ကြားမှာ ညှိနှိုင်းဖို့ အလားအလာတွေလည်း ရှိနေတယ်လို့ သိရတဲ့ အချိန်ဖြစ်ပါတယ်။
-
နောက်ပြီးတော့ လက်ရှိအချိန်ဟာ နစကအစိုးရအနေနဲ့ ပြည်တွင်းငြိမ်းချမ်းရေးအတွက် နိုင်ငံရေး လမ်းကြောင်းနဲ့ သွားနိုင်ဖို့ ရွေးကောက်ပွဲအကောင်အထည်ဖော်ဖို့ လုပ်နေချိန်လည်း ဖြစ်ပါတယ်။
-
ဒါ့အပြင် နိုင်ငံရေးပြဿနာကို နိုင်ငံရေးနည်းဖြင့် ဖြေရှင်းဖို့အတွက် နစကအစိုးရနှင့် ဆက်သွယ်ဆောင်ရွက်ဖို့ နစကအစိုးရကို ဆန့်ကျင်တိုက်ခိုက်နေတဲ့ တိုင်းရင်းသားလက်နက်ကိုင်အဖွဲ့အစည်းတွေ၊ အကြမ်းဖက်လို့ ကြေညာခံထားရတဲ့အဖွဲ့တွေကို ဖိတ်ခေါ်ကမ်းလှမ်းထားတဲ့အချိန်လည်း ဖြစ်ပါတယ်။
-
ဒီလိုအချိန်မှာ “ မြန်မာ့အရေးဆိုင်ရာ အထူးကိုယ်စားလှယ်များပူးတွဲညှိနှိုင်းရေး အစည်းအဝေး” ကို PDF အကြမ်းဖက်ရဲ့ ခေါင်းကိုင် NUG ကိုယ်စားလှယ်အဖွဲ့၊ ကချင်၊ ကယား၊ ကရင်၊ ချင်းအစုအဖွဲ့တွေပါတဲ့ K3C လို့ ခေါ်နေကြတဲ့ အကြမ်းဖက်အဖွဲ့တွေကို တက်ရောက်ဖို့ ဖိတ်ထားတယ်ဆိုတာက ပြည်တွင်းငြိမ်းချမ်းရေး ပျက်စီးရာ ပျက်စီးကြောင်းကို အချိန်ကိုက် လုပ်တာ ဖြစ်တယ်လို့ ပဲ ဆိုချင်ပါ တော့တယ်။
မျိုးမြန်မာ KT